Ние сме
АЦИ Македонија
- Здружение на финансиски пазари
Основната цел ни е оперативна поддршка во развојот на финансиските пазари во Република Македонија преку професионалното обединување на трговците со финансиски инструменти од банките и другите финансиски институции.
Од 1995 сме член на ACI The Financial Markets Association, со седиште во Париз. Нашите членови во своето работење постапуваат според Кодексот на однесување, кој е во согласност со Кодексот на однесување на ACI FMA.
Членови на Здружението
АЦИ Македонија- Здружение на финансиски пазари брои 134 членови од 14-те банки во Република Македонија, вклучувајќи ја и Народната Банка.
Согласно Статутот, челновите на Здружението можат да бидат редовни, придружни и почесни.
Во Здружението се води регистар на членови, за чиј облик и содржина, како и начин на негово водење одлучува Извршниот Одбор.
Едукација
ACI FMA нуди пакет специјализирани испити насочени кон едукација на тргување со девизи, фиксен приход, пазари на пари, деривати, репо, средства и обврски, управување со ризик и професионално однесување за вработените од front, back и middle office.
Сите испити на ACI FMA се на англиски јазик и се компјутерски базирани.
Динамичните услови на функционирање на финансиските пазари кои се карактеризираат со чести промени и надоградби, бараат квалификуван кадар со високи знаења како за локалните, така и за глобалните финансиски пазари.
Програмата за образование на АЦИ нуди сертификација со глобално признати сертификати, кои се синоним за квалитет на финансиските пазари, кои ги подобруваат кариерните можности и со сигурност ги зголемуваат работните перформанси. Здружението е во тесна соработка со регулаторните тела во голем број земји со цел АЦИ едукацијата да биде во согласнот со регулаторните барања и пазарните стандарди.
Актуелно
31. Годишно Собрание на АЦИ Македонија
По повеќе години, редовното годишно собрание на АЦИ Македонија оваа година го организираме повторно во Крушево, родниот град на Тоше Проески и Никола Мартиновски, град богат со историски знаменитости, но и вкусна традиционална македонска храна.
Покрај официјалниот дел на програмата, од 24ти до 26ти април 2026 ќе можете да ги посетите споменикот Македониум, Мечкин Камен, меморијалниот дом на Тоше Проески и да уживате во недопрената природа на крушевскиот предел.
Финансиски инструменти
Покрај тргувањето со девизи, локалните банки ја збогатуваат палетата на производи за тргување со клиенти, меѓу кои се и репо трансакциите, форвард договорите и каматниот своп.
Спонзори на Здружението
Повеќе од 20 години генерален спонзор на Здружението е компанијата Еуропоинт Тенфор Бизинс Партнер од Белград, долгогодишни деловни партнери на Народната банка и деловните банки во државава.
Секоја година бројот на поддржувачи на Здружението расте, што ни овозможува работа и исполнување на нашите цели за развој на домашниот финансиски пазар.